Imiryango itegamiye kuri Leta irahamagarira Uburayi gukora mu gihe intambara ya Sudani imaze imyaka ibiri.
Intambara hagati y’ingabo za Sudani n’ingabo z’abaparakomando zihuta (RSF) imaze guhitana abarenga ibihumbi icumi, imiryango itegamiye kuri Leta ivuga ko Uburayi bugomba kongera ingufu mu bikorwa bya politiki ndetse n’ubutabazi.
Ubwo imyaka kabiri y’amakimbirane yuzura muri Sudani, imiryango itegamiye kuri Leta nka Amnesty International na Human Rights Watch irahamagarira abayobozi b’ubumwe bw’ibihugu by’Uburayi kwerekana ubuyobozi kugira ngo bakemure ayo makosa yatangajwe.
Radio mpuzamahanga ya;Abafaransa( RFI),Ivuga ko Ibi bibaye mu gihe Ubwongereza bwiteguye kwakira inama ku kibazo cy’i Londres ku wa kabiri hamwe n’Ubufaransa, Ubudage na Komisiyo y’Uburayi.
Intambara hagati y’umuyobozi w’ingabo za Sudani, Abdel Fattah al-Burhan n’uwahoze amwungirije, umuyobozi w’ingabo z’abaparakomando zihuta (RSF), Mohamed Hamdan Daglo (uzwi ku izina rya Hemedti), yatangiye muri Mata 2023.
Aba bombi bahanganye nyamara mbere bari bashyize hamwe kugira ngo bikize uwahoze ari umuyobozi Omar al-Bashir mu 2019, ariko ntibahuza ku bijyanye no kwimika ubutegetsi bushingiye kuri demokarasi.
Imyaka ibiri y’intambara yateje ikibazo gikomeye cy’ubutabazi ku isi, aho miliyoni z’abaturage zavanywe mu byabo ndetse amakuru akavuga ko inzara n’indwara byibasiye iki gihugu gituwe na miliyoni 50.
